Нашы перавагі

Экалагiчна чыстая сыравiна

Малако вышэйшага гатунку і гатунку экстра паступае з экалагічна чыстых раёнаў Мінскай вобласці.

У цяперашні час агульная плошча сельскагаспадарчых зямель па філіялах складае больш за 7 тысяч гектараў, з іх 5,3 тысячы гектараў - ралля. Інвеставаныя сродкі дазволілі маштабна выканаць рэканструкцыю вытворчых памяшканняў, ажыццявіць будаўніцтва ў СПФ «Новыя Зялёнкі» рабатызаванай фермы на 480 галоў дойнага статка, даільнай залы і памяшканняў для ўтрымання 480 галоў кароў у СПФ «Дрычын», у абодвух філіялах ўвесці ў строй зернесушыльныя комплексы, абсталяваць сельскагаспадарчую вытворчасць сучаснай высокапрадукцыйнай тэхнікай.

На сённяшні дзень павялічана валавая вытворчасць малака і збожжа, вытворчасць прыбаўленняў у вазе буйной рагатай жывёлы на вырошчванні і адкорме, створана стабільная кармавая база, якасна і своечасова выконваюцца тэхналагічныя аперацыі.

Сучаснае абсталяванне i новыя тэхналогii

Высокая якасць малочнай прадукцыі - гэта вынік мадэрнізацыі, якая з'яўляецца важным стратэгічным напрамкам развіцця прадпрыемства.

У апошняе дзесяцігоддзе на заводзе запушчаны ў эксплуатацыю шэраг новых аўтаматызаваных ліній, у тым ліку па перапрацоўцы малака і вытворчасці кісламалочнай прадукцыі, што дазволіла ўкараніць прынцыпова новыя тэхналогіі вытворчасці і значна пашырыць асартыментны пералік выпускаемай прадукцыі. Кіраванне тэхналагічнымі працэсамі на вытворчасці цалкам камп'ютэрызавана. Адсутнасць кантакту малака ў працэсе вытворчасці з навакольным асяроддзем і з людзьмі дазваляе гарантаваць максімальную бяспеку прадуктаў і станоўча адбіваецца на якасці гатовай прадукцыі. Сучаснае абсталяванне, інавацыйныя тэхналогіі і распрацаваныя спецыялістамі прадпрыемства рэцэптуры дапамагаюць падрыхтаваць да выпуску цікавыя і смачныя навінкі малочнай прадукцыі без утрымання антыбіётыкаў і кансервантаў.

Шматступенны кантроль якасцi i бяспекi прадукцыi

На прадпрыемстве функцыянуе вытворчая лабараторыя, акрэдытаваная ў нацыянальнай сістэме акрэдытацыі Рэспублікі Беларусь і занесеная ў рэестр лабараторый Мытнага саюза. Вытворчай лабараторыяй ажыццяўляецца кантроль на ўсіх этапах тэхналагічнага працэсу: ад уваходнага кантролю харчоў і матэрыялаў, малака-сыравіны да выпуску гатовай прадукцыі па арганалептычных, фізіка-хімічных, мікрабіялагічных, радыелагічных паказчыках. Асаблівая ўвага надаецца кантролю паказчыкаў бяспекі. Даследаванне малака-сыравіны на наяўнасць рэшткавай колькасці антыбіётыкаў і ветэрынарных прэпаратаў ажыццяўляецца з выкарыстаннем сучасных метадаў кантролю з прымяненнем экспрэс-тэстаў, метадаў ІФА і інавацыйнага метаду, які заснаваны на спалучэнні прынцыпаў iмунааналiзу з тэхналогіяй матрычных бiячыпаў - пры пастаноўцы адной пробы малака сырога аналізатар бiячыпаў адначасова вызначае 43 групы аналитов (130 антыбіётыкаў і ветэрынарных прэпаратаў).

Кожная партыя выпускаемай гатовай прадукцыі праходзіць строгі шматступенны кантроль і адпавядае патрабаванням стандартаў Рэспублікі Беларусь і рэгламентам Мытнага саюза.

Сваечасовая i якасная дастаўка прадукцыi

 

Сёння ААТ «Менскі малочны завод № 1» ажыццяўляе пастаўкі прадукцыі на рынкі Расіі, Казахстана, Азербайджана, Грузіі, Малдовы, Кітая і іншых краін. Удзельная вага экспарту перавышае 40%. Прадпрыемства мае свой аўтапарк, які налічвае звыш 100 транспартных адзінак. З іх - 64 грузавых аўтамабіля для дастаўкі прадукцыі прадпрыемства ў гандлёвую сетку аснашчаны халадзільным абсталяваннем. Наяўнасць уласнага транспарту забяспечвае своечасовую і якасную дастаўку прадукцыі ў гандлёвую сетку.